Jenny Bakery

今日放假走咗去油麻地購買赤柱出名的Jenny Bakery的Cookie & 鳳梨酥，上到間shop原全唔似Mrs. Field格局，似批發行多ｄ，因為全間shop只見一部收銀機和兩位小姐，及地面放滿bear bear罐（無display無試食）。

我一口氣買咗３罐Cookie & １罐鳳梨酥（HK$255），一心以為可以pay credit card，點知pay cash only。數晒全身ｄ＄＄都只得HK$235，無理由叫佢比＄２０discount，死死地打比Derby問佢到未，叫佢上去結帳。（哈哈！今次輪到我當佢係提款機啦！）

開咗一盒４mix食，ｄ曲奇真係好香好鬆化﹐但又唔會覺得太甜太重味，幾好！（我特別鍾意咖啡味，星期一可以帶返工比ｄ同事食）

SCMP Bowling Competition

打咗３次００球後，我今日可以大顯身手啦！（落坑絕技）。
＜－－－隊友有Iris, 我，FAI哥＆Fausto

原來除咗FAI哥之外，Iris球技都勁得，第一局已經過百分。而我就．．OK啦！

比賽結果：女子組由自己友Finance-Crystal

勝出。男子組未睇就全部Finance同事已經bye-bye走晒。我和樂樂就去咗鑽石山買飛睇蝙蝠俠 – 黑夜之神，點知好full無睇。最後返歸買嘢打邊爐。（阿媽話我哋神經病，３３度打邊爐）

PCCW開倉大平賣

Bravo早幾日前比咗個email我，原來係PCCW開倉大平賣，見到D嘢真係好鬼平（SD Card 2GB $40、１GB $20, Microwave $150, Rice Cooker $150,吸塵器＄８０．．．．．．。）

我列好張lsit準備今日１時正打電話定貨，點知由１２：５０分開始打到４：１８分不停不停打電話（用咗５部電話），最後經過３小時多，皇天不負有心人，哈哈！打到啦！不過．．．．．．真係好想賣的貨無，幫同事賣的貨品都無。真係Sorry!

**我從未試過在卡拉OK３個鐘無唱歌, only call**

最後衝刺

Chris約咗FAI哥去沙田富豪花園打00球，我今日就帶咗一家大細去打。（有琪琪，晴晴，Derbylok & her Mother)，琪琪和晴晴係第一次去保齡球埸打波，都不知幾開心又緊張。開頭時時落坑，經FAI哥指導後果然有進步。
FAI哥一向係高手，係人都知。原來FAI嫂係高手之中的高手。連續５個全中，總分１９９。（勁呀！）
由於銀根短缺和有重要電話要打，所以只打一小時就走了！
下一站．．．．Neway卡拉OK。

媽媽石澳（大浪灣）一天遊

媽媽今日帶琪琪和晴晴去石澳表舅父家。
其實我已經很久沒有去石澳啦！我記得表舅父有兩間屋分別在石澳和大浪灣。小時侯，一到暑假公公便帶我去住幾日。我記得大浪灣間屋門口及後山有一大塊農田，有蔗、茘枝、蕃鬼佬茘枝、香蕉、花、菜等．．．．．。

今日媽媽竟然採摘了一串２７個楊桃。

再次練習

　　今日由Chris發起去沙田富豪花園打00球，點知只有教練FAI哥、Florence、Alice去。(當然有我啦!)
　　 我一早7點起身，出門口去沙田Physical跳咗一堂BS(1)後去咗跑步，點知係Physical比我見到Bravo，我就叫佢一齊去打00球（因為佢有車，我唔使打的）
　　我和Bravo and Derbylok食完早餐後便出發去富豪花園，由於我哋早咗到，所以自己開Lane打先，原來富豪花園打00球好平$128一小時包早餐和４對鞋，我哋足足打咗兩個鐘。
　　打完00球，我提議去Bravo屋企BBQ。在Bravo唔反對的情況下，佢車我去Angely老公舖頭買食物BBQ。回家時大約１點幾，大家都未食午餐，我又提議車老豆去tea一 tea。最後，我哋去咗德福找姑丈飲茶（不過酒樓無位飲茶，去咗大家樂食ｔｅａ）
　　今日節目豐富，BBQ至１０點幾先散band，MaryAnn都做埋。哈哈！

賽前練習

7月27日係公司保齡球比賽，今日約咗Raymond,Pat Pat,Kathy和佢老公一齊到南華會練習碌錢。
原來佢哋已經打過幾次，只有我和巢小姐第一次打，所以唔使問最低分係邊個．．．我囉！
其他人幾多分，唔方便講啦！因為我怕比人殺我滅口。

媽媽的生日晚餐

４點幾食完tea，６點就要食晚飯．．．．邊食得落呀！

廚房大廚知到阿媽會去食飯，一早就炮製一味”火龍果鮮蝦什果沙律”比佢試。(Good!好好好味呀！）。跟住食D嘜．．小籠包，擔擔麵，松子魚，BB鴨，花膠海蔘，冷盤，沙鍋雲吞雞和經理自製甜品等等。生日當然有壽包和蛋糕。叫老豆V宇手和阿媽合照，佢都好合作（睇到都好笑）

支持X版

巢小姐上星期已經約咗Gloria契媽今日帶佢去North Point仙樂買X版韓劇碟。

千里條條叫我過海的唯一原因就係．．．幫佢比錢。（即人肉提款機）

１點３就到咗炮台山地鐵，Gloria帶我哋去城市花園順壽司日本料理食Lunch。

我和巢小姐都叫咗牛肉鍋，我覺得味道都幾好，但巢小姐就覺得唔夠味，係咁落鼓油。如果下次再去食我會試吓Gloria叫的燒牛肉飯，D牛肉好好味。

食飽當然出發去買碟，日劇＄２０，韓劇＄１０非常扺買，Derby買咗一隻韓劇，Gloria買咗五六隻今季最新日劇。我就比較環保，我叫Gloria睇完半價轉讓比我睇。

哈哈！佢當然話唔使收我錢，我黎緊會好忙啦！

由於今晚要去將軍澳大佬到食飯，買完碟我哋就去咗將軍澳新都城行吓街。

點知Gloria問我和Derby有無興趣陪佢放狗，Derby當然舉腳話好（又可以做烏烏主人）。我就怕熱無去，call咗三媽出黎下午tea一 tea。佢帶我去咗百隹superstore入面美食廣場食嘢。

20週年紀念

今日除咗有新同事加盟外，亦是我踏入社會做事２０年了。
好少人好似我一樣第一份一做就２０年。
一講時間就知我貴庚．．．．．總之就老啦！

New Team Member － Thomas

等咗成個月，今日卒之有新同事返工啦!

之前聽Iris講該新同事貌似”技安”，身材高肥，講嘢同我一樣大聲（不過唔係無禮貌）

但係今早一見，除咗後者我覺得正確外，貌似”技安”就唔多似啦！

他一早返到公司，大房老板竟然要單獨接見佢，我哋個個都覺得好奇怪。

因為老板未試過接見我哋D small potato。（如果係我就會腳震．．．震）

Welcome Lunch 我哋去咗上次我食唔飽的餐廳Shakey's Pizza。

我哋９個人叫咗一個價值２佰多元的１３吋龍蝦Pizza，兩碟意粉，兩碟雞翼，薯餅，細Pizza，燒骨和蟹肉捲。今日竟然食得飽，下次食飯一定多人食先得啦！（可以叫多D嘢）

今餐由Iris比錢，食到咁貴真係唔好意思。不過都要講聲多謝！Thank you very much!

**Full Team 啦！我覺得佢一定會做得長。因為佢係Iris介紹黎，唔會唔比Face Iris**

新玩具

想換電話計劃已經有2個幾月，包包陪我去睇電話問價都10幾次。我估佢都覺得我煩，但係大拿拿2千幾銀，唔係買斤菜，都係要想清楚好。

最後都係買返NOKIA- 5610 XpressMusic，貪佢聽歌方便，價錢要HK$2,190，用舊機trade-in只需比HK$1,740。用咗一日OK啦！

與烏烏共進午餐

今天的午餐約會，是在將軍澳新都城的香辣屋。有我、Gloria、Derby and烏烏。（Wow wow）

我哋都好大食，３個人叫咗（一隻雞、豬頸肉、炒粉、咖哩牛根腩和蒜茸包 ）都可以食得晒。不過以上食物烏烏只有得睇無得食，你都咪話唔慘呀！

食完飯，Derby當正自己係烏烏主人，推住架BB車在新都城週圍行。（唔知係咪烏烏受歡迎，所以佢要爭住推車）

到咗４點左右，烏烏係時間要去方便，所以Gloria和 Derby同佢去公園行吓。我就自己在商場行吓，又比我遇到Regina和女女一齊（佢哋兩個成個餅印）。

Derby放完烏烏。我見仲早，就提議到 東港城行吓和去大佬到食飯。其實午餐仍未落格，入到去佢D同事問我哋要唔要減肥，仲立即送上楊枝金露、甘吉特飲、最後自己order担担麵和冷盤

(我都係第一次未食飯先食甜品，唔肥都唔得啦！）

一個唔返工去咗賭的星期五

政府都有宣傳<唔好沈迷賭博>
如果我有聽政府講就唔使交咗$800學費啦！
唔係星期二在Jusco遇到Connie就唔會約佢今日放假打麻雀。
由11:00打到8:30pm足足１６圈，無停過。（返工都無咁勤力）
最後重比Derby話我＜哈．．．．哈．．．．有工唔返去打麻雀．．．．．＞

30幾度的早上

現在是星期曰早上七時三十分, 六點幾己經熱到醒咗, 無聊冇嘢做, 走入廚房整馬拉糕比阿媽做早餐。(如果阿媽醒咗、唔知會唔會以為我有病)

父親節

今日是父親節, 當然要做孝順女啦!
早幾曰前已經約定大忙人細佬在父親節陪老豆食晚飯.
點知佢11時左右自動蒲頭,重入沙田車包姐出黎榕記飲午茶。(都好少可)
飲完茶,我叫佢車老豆四圍去行吓, 最後決定去大佬檔口吹水。
我和包姐陪老豆到大佬檔口,細佬就做偉大的車長。(在旺角等咗成個鐘)
吹完水,在我們回家途中,細佬話去九龍城訂位今晚食飯。
食? 當然係我最唔鐘意食的潮菜。
位於九龍城南角道順記,價錢唔貴,食物一般,最重要係食得唔夠疼快,因為上菜很慢(廚房得一人炒菜)
食完大家都唔係好飽。(下次我都唔會再去)

最後要多謝今日的免費司機,以下是他今曰不停站的行程:
1) Kowloon City to Shatin to LukFu to Yung Kee to Shum Shui Po to Mongkok to Kowloon City to Lok Fu to Tsui Chuk Garden to Lok Fu to Kowloon City to Luk Fu to Kowloon City to Luk Fu to Kowloon City to Lok Fu to Kowloon City to Tsui Chuk Garden to Lok Fu to Shatin to Kowloon City

Green Box 唱K

阿婆的忌日是在端午節當日，原本一早要去拜山。
但我想去睇班同事扒龍舟，只好同阿媽商量改中午上山。
拜山後，我和Derby巢去咗唱K。(地點:Green Box)
第一次去沙田Green Box唱K， D價錢比Neway貴(@$59)，但食D嘢都算OK。唱足兩小時有多，兩個人笑到唔停得口咁走。點解(原來唱最後首歌Neway 會cut機，但係Green Box可以按重唱不停咁唱，我哋最後首歌足足唱咗4次，係邊首歌....係一首好長........勁歌金曲2 - 情歌王) ha....ha....

2008沙田城門河龍舟比賽

今日係端午節，公司同事有份參加沙田城門河龍舟比賽。

雖然我無份落場，但我都好想到現場打氣支持班同事。(由其是係南早白鳯丸隊-Kathy,Winnie, Helen, Phoebe,Florence Ling, Midco Kan & Midco Law)

一早我就約咗Derby叫佢帶我去城門河，點知佢都唔係好識路，只好致電Kathy求救。

經接電話的馬生指路後，終於到達現場。

但係男子隊已經比賽完，睇到Chris已上岸，只好和他一齊等女子隊比賽。

女子隊的比賽開始，我睇見大家很合拍，齊心完成比賽。

(需然入唔到決賽，但已經很有體育精神，勇氣可嘉)

偷懶半day

30/05/2008
今日為咗逃避，所以放假半day。
Lunch同Phonnex食完Farewell後，
再約咗舊上司-Angely下午tea一tea，然後去咗一田掃貨。
因為一連幾日大減價。所以未入到一田已經人山人海，
最多人買.......係旅行喼。
我都買到一個背bag和一D唔等使嫁嘢。
(總算有收獲，但就無咗7條紅衫魚)
其實我都唔係好想放假，使錢兼對唔住同事。
Sorry!Sorry!Sorry!S.......o... Sorry!

厭惡性行業

由我加入News-Credit Control致今(2年幾-3年)，大大話話都走咗好多人(可能係全Finance流失率最高的Section)，由Angely,Agape,林姑娘,Maggie Yip, Ann,Maggie Cheung,Virginia,Ellen,Isabella,Eric,Wendy,Raymond,Phonnex，剛好一打有多。 有half都係唔想做Credit Control，所以唔do。今日又收到風，又有人要...........。做呢到係咪真係咁厭惡。

天氣報告-曝風雨前夕

大家月頭重有傾有講，近呢兩個星期唔知發生??????事，Office的天氣有D問題，平靜到唔知點形容。我直覺話比我知一定有D嘢!

唔高清的高清電視

睇黑白電視的日子已經過去，睇高清時候到啦!
花費HK$3,650(分24個月付款)買咗部OLEVIA32吋高清電視。
點知安裝個大佬話較唔到TVB台(要睇雪花)，如果要睇係可以，
不過要買多個高清電視機頂盒。無理由用多千幾銀買個機頂盒。
好在平日唔多覺有用(修理電器)的Big Brother出手，
結果.........當然睇到啦!
阿媽重話比tips個安裝師父，佢上到黎都無貢獻，點解要比。

瘀事一則

為咗送嘜嘢禮物比Angie，考慮咗成個星期，最後決定去阿妹花店訂花藍。
記得今日Florence話老板盆蘭花可以放成2個月，所以我便叫阿妹幫我訂盆蘭花送去Angie新店。
多謝盛為$400。離開時我對阿妹說:「我阿媽有問盆蘭花幾多錢，就同佢講三百幾就得啦!」點知..................，阿妹叫我等等..........找錢比我。大家妳推我讓，最後我都係收咗錢!
其實唔知阿妹係未怕咗我阿媽，定以為我暗示D嘜。總之收完錢就覺得好瘀!

豐富的午餐

上星期Katty已預告今日會炮製拿手蛋糕
"芒果乳酪芝士蛋糕"返公司開大食會，點知佢再整多三盒"馬豆榚"返黎，再加我盒什果沙律，外賣PIZZA+壽司。今日D嘢9個人都食唔晒!
今日個"芒果乳酪芝士蛋糕"好有芒果味，
但Katty一口都無食,why!
因為高卡囉!，所以今次我都係只食一件(因為
quota已滿)，比起上次個朱古力蛋糕我都食咗3件。今次真難忍口。

10週年聚會-皇家太平洋酒店

今日的聚會主要係慶祝TVEI-AR+Credit Control同事相識10週年和Farewell 其中一位 隊員下月去澳洲做電波小女。
我們一行9人(其中一位是當日的攝影師-Queenie Lo) ------>


相約到皇家太平洋酒店tea一tea。



其實話相識10年，大家都無變。Katherine見到我就話我瘦咗(都不知幾高興)，但係有一個天真可愛的小朋友在食完buffet後,用手摸我個肚話"好肥呀!"(當時不知幾down，但佢都係講真話，都係幾肥，明天要去Physical跑多一個鐘先得啦!)



短短的2小時時間好快就過，雖然食物一般，但大家都有傾有講，真係唔夠皮，



好期待下次聚會。

今日D全體相係請人幚我哋影，原因係Queenie D技術................!